→ რისკენ ილტვის “მარგველა?”

თარიღი - 03.09.2014


margvelashviliგიორგი მარგველაშვილი რომ ცდილობს,მოქმედ მთავრობას და მის მეთაურს ხელი შეუშალოს,ეს არახალია და არაერთხელ გამოჩნდა. ჭირვეული მარგველაშვილი მისი უუფლებობით როგორც ჩანს შეშფოთებულია,არადა,არჩევნებამდეც ძალიან კარგად იცოდა,რომ მისი უფლებები საკმაოდ შეკვეცილი იქნებოდა კონსტიტუციის მიხედვით,თუმცა,როგორც ჩანს , ისევე როგორც პრეზიდენტის სასახლეში შევიდა,გადაწყვეტილი ჰქონდა,რომ კონსტიტუციისთვისაც აეარა გვერდი.

დღევანდელი მისი გამოხტომა ამის კიდევ ერთი მკაფიო დადასტურებაა,მაშინ,როდესაც გაეროს კლიმატის სამიტზე სიტყვით ყველა ლოგიკის მიხედვით პრემიერი ღარიბაშვილი უნდა გამოდიოდეს,მარგველაშვილმა გადაწყვიტა რომ თითონ ჩაეკვეხოს და რამენაირად უზრუნველყოს,რომ წავიდეს და თუნდაც 1 სიტყვა წარმოთქვას აღნიშნულ სამიტზე. არადა,ალბათ ყველასთვის გასაგებია,რომ კონსტიტუციურად უუფლებო პრეზიდენტის ასეთ მნიშვნელოვან სამიტზე წასვლა , თანაც ისე რომ “იჩალიჩა” და წავიდა, ქვეყნის ინტერესებს დააზიანებს,თუმცა როგორც ჩანს ეს “ფილოსოფოს” მარგველაშვილს საერთოდ არ ადარდებს ,მისთვის მთავარია როგორმე გამოაჩინოს რომ პრემიერ-მინისტრზე მეტი უფლება და შესაძლებლობა აქვს,რის საშუალებასაც მის უტვინობასთან ერთად,ყველაზე მთავარი,კონსტიტუცია არ აძლევს.

კიდევ რამდენ ხანს გააგრძელებს ჩვენი მავნე პრეზიდენტი ასეთი უღირსი საქმეების კეთებას, ვინ იცის… სამწუხაროა, როდესაც ვხედავთ პრეზიდენტს, რომელიც ასე ისწრაფვის იმისთვის, რომ საზოგადოების მხრიდან არასერიოზულად იყოს აღქმული, როგორც პიროვნება და როგორც ქვეყნის პრეზიდენტი.

და მაინც,რა დაინტერესება აქვს გიორგი მარგველაშვილს ასეთი,რომ ვერ ისვენებს და ცდილობს მთავრობის საქმეები გააფუჭოს? ვფიქრობ,2 დღის წინ მიხეილ სააკაშვილის მიერ მისი დაცვა და მარგველაშვილის მიერ არაერთი მცდელობა იმისა,რომ საქმე გააფუჭოს ერთმანეთთან კავშირშია – როგორც ჩანს მარგველაშვილმა გადაწყვიტა სააკაშვილთან ალიანსი შექმნას,თუმცა რამდენად გამოუვა მარგველაშვილს თუნდაც სააკაშვილთან ალიანსში ვინმესთვის რამის დაკლება და საქმის გაფუჭება,თავად განსაჯეთ – მოღალატე ყველგან მოღალატეა.

 

ავტორი - Max → დაწერე კომენტარი

→ ახალი ნაციონალური პროპაგანდა

თარიღი - 30.04.2014

logo-R2-black

2012 წლის 1 ოქტომბრის საპარლამენტო არჩევნებამდელი რუსთავი 2 ყველას კარგად ახსოვს. აგრესიული, ღიად პროპაგანდისტული, სადაც არ არსებობდა არავითარი ჟურნალისტური ეთიკური სტანდარტი, რომლის შემოქმედების მწვერვალებზეც მრავლად ასულა თამარ ბაღაშვილის, თენგო გოგოტიშვილისა და სხვათა ნაცოდვილარი სიუჟეტები.

ძველი სახეების რიგებს თანდათანობით ემატება ახალი თაობა, რომელიც სერიოზულ კონკურენციაში შედიან გამოცდილ პროპაგანდისტ კადრებთან. გიორგი გაბუნია ამ მხრივ ნამდვილ აღმოჩენად იქცა, რომელმაც წარმატებით გაიარა რუსთავი ორის პროპაგანდის სკოლა. თუკი არჩევნებამდელ წნეხს დამწყები რუპორი ბოლომდე ვერ უძლებდა და დილის გადაცემის წამყვანების (პოლიტიკურად ნეიტრალურ) ოთახში ცხარე ცრემლით ტიროდა საკუთარი ხვედრის სიმძიმეზე, დღეს გაბუნიას ტელეეთერმა სულ სხვა დამაჯერებლობა და იმიჯი შეიძინა. განაგრძეთ კითხვა

ავტორი - Max → დაწერე კომენტარი

→ სამართლიანობის აღდგენაზე მნიშნველოვანი სამართლიანობის დამკვიდრებაა

თარიღი - 25.04.2014

scales of justice რა არის სამართლიანობა ან რას ნიშნავს მისი აღდგენა – ამ ყბადაღებულმა თემამ, გადამაწყვეტინა დამეწერა შავით თეთრზე – რას ნიშნავს სამართლიანობის აღდგენა: სამართლანობის აღდგენაა, როდესაც თავისუფლად პოსტავ ფეისბუქზე შენს სიბრძნეებს, თუნდაც სისულელეს ან თუნდაც ჭეშმარიტებას და ამის გამო სამსახურიდან არ გიშვებენ; სამართლიანობის აღდგენაა ის, რომ საჯარო მოხელე ხარ და უფროსები არ გაიძულებენ იარო პარტიულ აქტივთან ფარულ შეხვედრებზე ; არ გაიძულებენ მისცე ხმა შენთვის არასასურველ კანდიდატს და არ გაიძულებენ აგიტაცია–პროპაგანდა გაუწიო მათ პარტიას; სამართლიანობის აღდგენაა ის, რომ ბიზნესს არ იბარებენ დღეში ორჯერ და არ ითხოვენ მათგან თვითმფრინავების, სტადიონების, მანქანების ყიდვას და გადაფორმებას; სამართლიანობის აღდგენაა ის, რომ პროკურატურა არ ახდენს ზეწოლას სასამართლოზე და პორკურორები მხოლოდ სატელეფონო კურიერის ფუნქციას არ ასრულებენ (ყველას გვახსოვს ზარი მოსამართლესთან) ; სამართლიანობის აღდგენაა ის ,რომ არ ატერორებენ ტელევიზიებს და მედია ხელისუფლებას არ ჰყავს  მონობაში და არ ვისმენთ მხოლოდ ხელისუფლებისთვის სასიამოვნო ნიუსებს ; სამართლიანობის აღდგენაა ის, რომ თავისუფლად შეგვიძლია გავაპროტესტოთ ის,  რაც არ მოგვწონს და ხანდახან ისიც კი, რაც მოგვწონს, მაგრამ ვითომ არ მოგვწონს ; სამართლიანობის აღდგენაა, ის რომ ტელეფონზე ვსაუბრობთ უპრობლემოდ ყველა თემაზე და მეგობრებთან ჭორაობისას ტელეფონებს არ ვმალავთ ჩანთებში და ჯიბეებში ; სამართლიანობის აღდგენაა ის, რომ ვსუნთქავთ მშვიდად… ეს არის ყველაზე დიდი სამართლიანობის აღდგენა, რომ აღარ გვეშინია , აღარ გვეშინია არსებობისა და დამკვიდრების საკუთარ ქვეყანაში, საკუთარ სახლში, საკუთარ ოჯახში, საკუთარ მეორე ნახევრებთან. სამართლიანობის აღდგენაა ის, რომ უცვლელია ქვეყნის კურსი ევროპისკენ და ევროატლანტიკური სივრცისკენ, მიუხედავად დაშინების და პროვოკაციებისა სხვადასხვა პარტიული აქტივისგან; სამართლიანობა აღსდგა 1 ოქტომბერს თავისუფალი არჩევნებით, ახლა მთავარია თითოეულ ადამიანში დამკვიდრდეს სამართლიანობის შეგრძნება !

ავტორი - Max → დაწერე კომენტარი

→ რა არის სისტემური დანაშაული?

თარიღი - 17.01.2014

330406191541

ნაციონალურმა მოძრაობამ, როგორც კლასიკურმა ავტორიტარულმა რეჟიმმა, ძალაუფლების შესანარჩუნებლად შექმნა დანაშაულებრივი სისტემა, რომელიც ძალადობას, შიშსა და მასაობრივი საინფორმაციო საშუალებებით ადამიანების მანიპულირებას ეფუძნებოდა. ნაციონალური მოძრაობის მიერ შექმნილი დანაშაულებრივი სისტემის ძირითად იარაღი ეკონომიკური და საინფორმაციო ტერორი იყო და სახელმწიფოს მხრიდან ძალადობის კულტივირება წარმოადგენდა. მიუხედავად იმისა, თუ პოლიტიკურად რამდენად აქტიური იყო ადამიანი ტოტალური შიშის დასანერგად ხელისუფლების ტერორის მსხვერპლი ნებისმიერი შეიძლება გამხდარიყო. ადამიანები უმნიშვნელო დანაშაულისთვის ხვდებოდნენ ციხეში, ან პატიმრობისთვის თავის დასაღწევად საპოროცესო გარიგების შედეგად უწევდათ ასტრონომიულ თანხის გადახდა. არსებობდა თუ არა ამის აუცილებლობა, ხდებოდა ბიზნესმენთა ქონების დაყადება და ბიზნესის წართმევა, ხშირად საფუძვლის გერეშეც კი. ჩვენ გვახსოვს აგრეთვე ნულოვანი ტოლერანტობის სახელით მოკლული უამრავი ახალგაზრდა. დაშინებისა და ხშირად არჩადენილი დანაშაულის აღიარებისთვის საპყრობილეებსა და პოლიციის განყოფილებებში ნაწამები და ნამუს აყრილი უამრავი ადამიანი. ამას თან ერთვოდა საინფორმაციო ტერორი, როცა ხელისუფლების მიერ კონტროლირებადი მედიასაშუალებებს შეეძლოთ ნებისმიერი ადამიანი საჭიროებისამებრ დამნაშავედ ან ანტისახელმწიფოებრივ ელემნტად წარმოეჩინათ, პრინციპით: ვინც აკონტროლებს აწმყოს, ის აკონტროლებს მომავალს.
რეპრესიების, გაღატაკების შიშისა და საინფორმაციო ტერორის ქვეშ მყოფი ადამიანები სრულფასოვნად ვეღარ მონაწილეობდნენ საზოგადოებრივ და პოლიტკიურ ცხოვრებაში და საზოგადოებაში აპათია და კონფორმიზმი ისადგურებდა, რაც ძალაუფლების შენარჩუნებისთვის არაჩვეულებრივ ფონს ქმნიდა. განაგრძეთ კითხვა

ავტორი - Demna Shengelaia → დაწერე კომენტარი